شباب وبنات

مرحباً جميعاً منورين معنا بمنتديات شباب وبنات

    مصطلحات سورية

    شاطر

    وفاء قلب

    انثى
    عدد المشاركات : 50

    مصطلحات سورية

    مُساهمة من طرف وفاء قلب في السبت يوليو 18, 2009 8:40 pm


    مصطلحات سورية

    مصطلحات سورية 100 %

    --------------------------------------------------------------------------


    مسرسبة : يعني بتحب النظافة كتير

    اسيييع : اوعى الزيت بمعنى ممكن تاخد طريق

    اغييييييييي : هي للأبضايات وبس

    تاكلك الدودة العميا : هي دودة القبر يعني الواحد يموت وياكله الدود ( بعيد الشر )

    يبعتلو اتلو شو سمج : يبعتلو أتلو كمان يعني يموت ، وسمج يعني غليظ

    موسوس : يعني مهووس بشغلة

    وفي كمان ، عقلو جوزتين بخرج : يعني عقله صغير

    متل الأطرش بالزفة : يعني مالو علاقة بالموضوع

    حاج تحوص : يعني حاج تفتل وتدور

    شوية لرخار : بعد شوي

    بنت عمي : يعني مرتو وطبعاً والعكس

    دشروا = حل عنو : يعني دعه وشأنه .. ومنه دشرني : أي حل عني

    وحل عني يعني اتركني بحالي

    ماني غضران : يعني لست بقادر وهي بالميداني

    يو الواه الواه : يو ، مفردة : شهيرة جداً عند النساء وتفيد الأوّية ( القوّية )

    يو تشكلو آسي : يو مفردة : سبق شرحها ، تشكلو آسي ( بعيد الشر عني )

    تعبير يفيد شدة حب المتكلم للمتكلم عنه

    معبا ببنطرون : يعني واحد أجدب وجاية يحكي

    ولا : أداة تستخدم في النهر والشتم

    وخنان : مسبة مو حلوة بس وضعتها للضرورة اللغوية

    واطي : كمان مسبة مانها ظريفة بس أيضاً وضِعت للأمانة اللغوية

    ايدي بزنارك : تعبير يستخدم للتعبير عن الرجاء

    دخيل الله : أيضاً تعبير والمقصود به هو الاستغاثة بالله

    شعر متل الشوشة : أي أن شعره منفوش ومنكوش

    وضراب السخن : وهي مسبة وتعني ( مابعرف بس مسبة )

    كوكش : يعني فتش بحبش : أيضاً مفردة تعني البحث مع التمحيص

    ينمحئ : ينضرب على قامتو ، يسطفل

    يتحورق : كمان متل يبعتلو حمى

    يتقوص : بنفس المعنى وفي كمان ( تتأمع ) هيك شي

    ينفس الباب كلها دعاوي تنطلق في حالة الغضب

    عود يقعد رزك : ( اقعد يقعد رزك ) يعني خيلتنا حاجة تحوص

    المعنى الأدق ،يقعد رزك يعني تموت والناس ياكلو رز ، لأنو لما حدى بيموت

    من العادات انو بتصير عزيمة وبيطعموا الناس ( أوزي ) على روح الميت

    والأوزي أكلة معروفة بالشام عبارة عن رقائق عجين محشية رز ببزاليا

    وين غاطط : ياعمي وينك مو مبين

    والسبع تنعام : يعني لنا الشرف

    منقول على يلي بيسكر ( الثمل ) ( حيط بياخدوا وحيط بيجيبو ) من كتر الترنح

    مابيعرف الخمسة من الطمسة : عن الرجل اللي ماعندو ثقافة

    سرّي مرّي : يلي بيخفق برات البيت لسا رايح جاية سري مري

    عالحكي اللي بلا طعمة : شروي غروي أو شندي بندي

    مخبط : فايت بالحيط ، طاقق الفيوز كلهم للدلالة انو واحد ( ماعم يلاقي كلمة مناسبة )

    بس يعني مخبط

    مأنشح : كحتة وبيحب الشحتة ،أيدوا ماسكة ( على البخيل )

    شاطط وماطط : يعني مدلع زيادة

    نعيان : يعني هيك قلبو بارد

    شاضومة : يعني بنت مجلوقة يعني كيف بدي إلكن ، قليلة الأدب

    شحاطة : ماانشرحت معي ، مايلبسه المرء في قدمه عندما يكون في المنزل

    هههه منيح

    تعسيلة : نومة بعد الظهر

    ومن باب التقليع أي طرد شخص غير مرغوب فيه بجلسة؟

    أضوي ، قحط ، حليق ، ورجينا عرض كتافك ، كروج

    خود كريجتك وروح لعاب بعيد ، روح جبلنا دخان من موريتانيا

    ومن باب تدليل المرأة لزوجها :

    تقبرني ، تقبر قلبي ، تطلع على قبري بشحاطة بلاستيك ، تكفني

    انشالله ما بحترمك ، سيد راسي

    ومن باب السباب والشتائم والبعيد عن السامعين :

    روح إلاهي يبعتلك الداءات المختلفة ، يو ما تروح إلا فقي

    يبعتلك فالج ، يو انشالله خزيت العين تطرقك

    ومن باب مسبات الرجال والبعيد عن السامعين :

    خابطك كف مخليك تدور ساعة عغراض وشك بالأرض

    بشرفي لأبجك ضرب مخليك سنة عالشوربة

    أنت مجرب تعيد تشكيل أسنانك من أول وجديد؟

    حشات الدكر يلي بيشوفك جاية بيفكرك رايح

    العمى ضربك
    __________

    avatar
    OMAR
    Admin

    ذكر
    عدد المشاركات : 349
    العمر : 97

    رد: مصطلحات سورية

    مُساهمة من طرف OMAR في الأحد يوليو 19, 2009 7:25 am

    هههههههههههههههههههه

    والله حلوين

    يسلمو

    انا في شغلات ما كنت بعرفا


    avatar
    GuMuS
    دلوعة المنتدى

    انثى
    عدد المشاركات : 1002
    العمر : 26

    رد: مصطلحات سورية

    مُساهمة من طرف GuMuS في الأحد يوليو 19, 2009 10:25 am

    يسلمووووووووووو والله في اكتر من مصطلح عجبني هههههههههههههههه


    _________________





    ღTAMER حبيبي النهارده لازم تعرف حبك عملي جنان ღTAMER

    ~ ღ . ღ انا بحبك ღ . ღ ~
    [embed
    avatar
    الملاك النائم
    ملاك المنتدى

    انثى
    عدد المشاركات : 1236
    العمر : 25

    رد: مصطلحات سورية

    مُساهمة من طرف الملاك النائم في الأحد يوليو 19, 2009 2:48 pm

    هههههههههه مصطلحات حلوةة

    يسلموو


    _________________
    avatar
    الزمردة
    روح المنتدى

    انثى
    عدد المشاركات : 994
    العمر : 28

    رد: مصطلحات سورية

    مُساهمة من طرف الزمردة في الأحد يوليو 19, 2009 6:55 pm

    يسلمو مصطلحات حلوة
    avatar
    cute girl
    المديرة العامة
    المديرة العامة

    انثى
    عدد المشاركات : 1554
    العمر : 29

    رد: مصطلحات سورية

    مُساهمة من طرف cute girl في الأربعاء يوليو 22, 2009 3:12 pm

    هههههههههههههههههههههه

    في مصطلحات غريبة

    وفي مصطلحات منحكيها

    يسلموووو وفاء


    _________________
    يسعد دين هالرمز

    وفاء قلب

    انثى
    عدد المشاركات : 50

    رد: مصطلحات سورية

    مُساهمة من طرف وفاء قلب في الخميس يوليو 23, 2009 7:58 pm

    شكرا لمروركم الندي

    منورين احلى شباب وصبايا



    دمتم بود

      الوقت/التاريخ الآن هو الثلاثاء يوليو 17, 2018 9:14 am