شباب وبنات

مرحباً جميعاً منورين معنا بمنتديات شباب وبنات

    :: الله لا يحرمن لحدا و يطعمن لكل مشتهي ::

    شاطر

    الإمبراطور السوري
    حيوية المنتدى

    ذكر
    عدد المشاركات : 952

    :: الله لا يحرمن لحدا و يطعمن لكل مشتهي ::

    مُساهمة من طرف الإمبراطور السوري في الإثنين يوليو 06, 2009 6:49 am








    ( الله لايحرمن لحدى)
    و ( الله يطعمن لكل مشتهي ) أدعية منعرفا ومنسمعا كتير من الناس يلي حولينا , وأحيان كتير منقولها نحن لما منسمع عن حدى منعرفوا وبتجي سيرتوا قدامنا ولسة ماعندو ولاد.

    كتير منسأل عن معارف وأشخاص بيعنولنا، أو حتى مابيعنولنا! مجرد عرفناهن ولو بلقاء بالصدفة, طبعا من باب الفضول, واذا كان متزوج جديد مابيفلت من بين ايدنا ومنصير منسأل عنو أكتروأكتر .
    شو صار بفلان لسة مااجاه ولاد , وفلانة بنت فلان شو صار فيها صرلها زمان متزوجة لسة ماجابتلو ولاد.....الخ

    كل يوم منسمع قصة جديدة يلي عندو البنات وعم يحلم بالصبي , ويلي عندو الصبيان وبدو البنت , ويلي ويلي ... قصص كتيرة كل فترة وفترة منسمع ومنحكي عنها...

    يقول الله تعالى
    { لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَن يَشَاءُ الذُّكُورَ ، أَوْ يُزَوِّجُهُمْ ذُكْرَاناً وَإِنَاثاً وَيَجْعَلُ مَن يَشَاءُ عَقِيماً إِنَّهُ عَلِيمٌ قَدِيرٌ }

    بس الصراحة تأخير الانجاب شغلتو شغلة, هالموضوع بذكرني بأمي الله يذكرها بالخير يارب..

    يوم سفري قالتلي ديري بالك عاولادك الولاد نعمة من عند رب العالمين, لازم دائما تشكري ربك عاهالنعمة الغالية وتصونيها , , في ناس كتير عم تتعذب و تبكي لانها محرومة من الضنى فالضنى غالي يابنتي .. وقتها نزلت دمعتي من عيني ...

    تأخير الانجاب البعض ييتعمدو عن قصد والبعض ييتألمو منو ...



    الانجاب طعمو حلو ويلي بيـتأخروا فيه ماكلن عندن مشكلة , لانو منن بيتعمدوا عن قصد ,
    بس الناس مابتترك حدى بحالو ويلي بيتعمدوه بيكونو قاصدين هالشي ومخططين الو بهدف انو يعيشو هالمرحلة بكل تفاصيلها من حرية..

    وأحيانا تأجيل الانجاب الو ظروفو الخاصة عند الزوجين , وبالذات عند المرأة أما لدراستها أو لعملهاأو..... الخ ..




    بس أكيد حلم الانجاب دائما ملاحق خيالها بعد الزواج , و مافي بنت ماتخيلت لعبتها بنتها لهيك دائما في أسباب لتأجيل قرار الانجاب ..
    ومع هيك كتار يلي فكروا بتأجيل الانجاب وبعد فترة صار معن العكس ، وبيكون السبب هو القال والقيل من الأهل , والهدف من الانجاب السريع بس ليرضي الأهل, مأكدين انو الحياة قبل الانجاب ( صفحة وردية بكتاب الزواج ) بس انتظار الأهل للحفيد يبغير خطة الزوجين وبيفسر هالشي قول بيقول انجبوا لأهلهم لا لأنفسهم
    بقى بيقرروا يجيبوا بس ليخلصو من كلام الناس وتفسيراتن القاسية , لانو الناس بمجتمعنا مابترحم حدى , الزوجين أحيانا بينسوا هالشغلة بس الناس بسرعة بتجي بتذكرهن وبتسألهن: : شو مافي شي عالطريق ؟ مامخبيين شي ؟ وبيتحول الاطمئنان عند الزوجين لفضول مزعج ومابتعود الحماية بتنقى الكلمات والاسئلة المناسبة وهي عم تسأل و وبتصير الأم بتلاحق بنتها وتحملو اذا بتتحملووو ..

    و الناس بيعطو حالن الحق بالسؤال والاستفسار والتوقع والاحتمالات وأحيانا بتجرح الزوجين وبتنزع الثقة منن وبتسبب الهن مشاكل نفسية , , والمشكلة انو ماحدى بصدق انو التأجيل هو قرارن ..



    مافي رجال مابحب يكون أب وبيعد بفكر شو بدو يجيب أول, وكم ولد, وشو اسم الولد , و أبو شو.....



    ومافي مرأة مابتحب تكون أم, لانوعندها غريزة الأمومة. واحيان كتير متلاقيها بتحمل ولاد غيرها وبتلاعبهن وبتشبع عاطفتها وميولها الفطري للولد حتى ولو كانت هي يلي مأجلة الموضوع ..

    البيت حلو فين وبيكمل بوجودن وبوجود صوتن ، وضحكتن ، وألعابن ، وحركاتن ، وكل شي فين ..




    و يلي تألمو من تأخير الانجاب الله يكون بيعونن ويصبرن ويرزقن الذرية الصالحة جربو هالحالة ووصفوها ب ( جدول مافي مي ) جربو الحرمان والانتظار وطبعا هالشي بيرجع لأسباب في منها بيكشفها الطب ومنها من عند الله تعالى...

    اختاروا عنوان اللهفة والقلق والانتظار المر لحالتن الصعبة, وهالحالة مااختلفت كتير عن يلي قبلها , لانو ضل تدخل ناس موجود بس بطريقة تانية صارو ياخدو دور المرشد الاجتماعي مع الأزواج بس الأزواج كانت ترد ب ( الله كريم ) ( كل شي بوقتو حلو ) ( لسة الله ماراد ) وهيك، وأحيانا بيقدمو مبررات وأعذار بسبب الضغط يلي مواجهن من الناس ويبضل المبرر علامة استفهام ؟ ؟..
    بهالحالة بتكون المرأة أكتر قلق وتفكير من الرجل لانها الطرف الأضعف بالعلاقة الزوجية , والانجاب هو من دعم الزواج المستمر بنظر أغلب الأزواج والناس ، غير انو اثبات لانوثة المرأة وبيكمل دورها الفيزيولوجي والطبيعي كاامرأة كاملة. وأكيد الرجل بيقلق وبيفكر بس تفكيرو بياخد بعد تاني , لانو تفكيرو بحسسو بشعور النقص برجولته لانه ماتوفق ..





    بدي خبركن عن قصة شفتها عااحدى القنوات ورجعت من فترة قراتها باحدى المجلات ..

    عنوان القصة ( زينب حلم تحقق )

    23 عاما عاشت أم زينب وأبو زينب في حلم الانجاب وعيادات الأطباء , كانا يحلمان بطفل يملأ البيت ضحكا ولعبا وحياة ، لكن الحلم تأخر وبهتت في انتظاره أشياء كثيرة الا الأمل .
    تغيرت حياة أم زينب وأبو زينب بعد الانجاب وأصبحو بنفسية جديدة باختصار أم وأب لزينب ..

    تعود بدايات الحكاية بقصة الزواج والمعاناة وصولا الى ولادة زينب ، وتقول أم زينب : تزوجنا عن حب وكتبنا لحياتنا سيناريو وحكاية جميلة ، بيت وأولاد ومستقبل ..
    تتنهد أم زينب وهي تسترجع سنوات الانتظار التي تصفها ب ( سنوات العذاب والبكاء والصلاة ) أملا في مولود يجعل للنور طريقه الى بيتنا المظلم .. قصدنا طبيبة نسائية بعد مرور 3 ستوات من زواجنا لتوضح مكمن الخلل وبدأنا نكسب المعركة ضد حرمان الضنى فدفعنا 23 عاما من عمرنا وأعصابنا وتعاستنا حتى دخل نور زينب البيت ..

    ويقول الأب أبو زينب لاينجح الرجل باخفاء مشاعر حزنه كما تنجح المرأة ويتابع .. كنت اشعر بالارتباك وانا أبارك لصديق ما بمولوده الجديد ، الا ان الحزن يكون أقوى مني والرغبة بالبكاء كانت تدفعني في كثير من الأحيان الى مغادرة البيت ويصف أبو زينب وضعه الاجتماعي بالحرج ويقول : يطلق الناس على الرجل لقب ( ابا فلان ) من باب تحضيره النفسي للأبوة المرتقبة لافتا الى انه كان يتساءل في سره طوال الوقت لماذا لاأشبه بقية الرجال من حولي ؟؟

    وتصف أم زينب الحياة قبل ولادة زينب فتقول : كنت أشعر بالضيق وأنا أدخل البيت عائدة من عملي ، لاصوت ، لارائحة ، لاطفل ينادي ( ماما ) ولا ألعاب مبعثرة في الأرض. وتضيف : رحت ذات مرة أبارك لصديقتي بطفلها الجديد ، فطلبت منها أن أراه لكنها اعتذرت بحجة أنها أرسلته الى أمها ،، وتتابع الكلام والدموع بعينيها لافتة الا انها سرعان ماسمعت بكاء الطفل ، فااكتشفت أن والدته لاتريد أن تسمح لي برؤيته ، ربما خوفا من أن أحسده فتركت هديته على الطاولة ومضيت ...

    مالذي ابقاكما معا قرابة ربع قرن ؟

    يجيب أبو زينب أنا انسان أؤمن بالقدر والنصيب ، فتتدخل زوجته ضاحكة ( لماذا لاتقول ان الحب هو من أبقانا معا ، أم أن قلبك صار الان كله ملك زينب ؟؟؟

    مشان هيك لازم نحمد ربنا عاهالنعمة يلي أعطانا ياها ونرضى فيها وبنصيبنا، والحمدلله نحن أحسن من غيرنا بكتير بكفي انهن خلقة تامة وبصحة كاملة ، و لازم دائما نتذكر انو كتار يلي انحرموا منها وعم يحلمو فيها ويتعذبوا ويتألمو كرمالها ، بس أكيد ربنا الو حكمة بهالشي ..
    بس نحن دائما هيك مامنحس بقيمة الشي الا لنذوقوا ونتوجع منو.. بقى الله لايحرمن لحدى ويرزقهن لكل مشتهي ..

    وخلونا نترك الناس بحالها ، تقرر وتفكر عاكيفها ونتذكر دائما انها أمورهن الشخصية وهنن مسؤولين عنها وبقرروها مثل مابدهن ، ومع هيك خلونا دائما حاطينهن ببالنا وندعيلهن الله يجبر خاطرهن ويوفقهن ..

    تحياتي
    الإمبراطور السوري
    avatar
    GuMuS
    دلوعة المنتدى

    انثى
    عدد المشاركات : 1002
    العمر : 27

    رد: :: الله لا يحرمن لحدا و يطعمن لكل مشتهي ::

    مُساهمة من طرف GuMuS في الإثنين يوليو 06, 2009 8:57 am

    يسلمو على الموضوع كتتتتتتتتتير حلو ومن الواقع اللي عم انعيشو


    _________________





    ღTAMER حبيبي النهارده لازم تعرف حبك عملي جنان ღTAMER

    ~ ღ . ღ انا بحبك ღ . ღ ~
    [embed

    الإمبراطور السوري
    حيوية المنتدى

    ذكر
    عدد المشاركات : 952

    رد: :: الله لا يحرمن لحدا و يطعمن لكل مشتهي ::

    مُساهمة من طرف الإمبراطور السوري في الإثنين يوليو 06, 2009 9:00 am

    بقلمي وبجهدي شايفة الحكي كلو سوري ما بعرف أحكي بالفصحة إعذريني نوووووورتي لوووووولولووووو
    avatar
    GuMuS
    دلوعة المنتدى

    انثى
    عدد المشاركات : 1002
    العمر : 27

    رد: :: الله لا يحرمن لحدا و يطعمن لكل مشتهي ::

    مُساهمة من طرف GuMuS في الإثنين يوليو 06, 2009 9:03 am

    اصلا انا ما بحب الفصحه ههههههههههه يعني هيك احسن والله

    النور نورك


    _________________





    ღTAMER حبيبي النهارده لازم تعرف حبك عملي جنان ღTAMER

    ~ ღ . ღ انا بحبك ღ . ღ ~
    [embed
    avatar
    الملاك النائم
    ملاك المنتدى

    انثى
    عدد المشاركات : 1236
    العمر : 25

    رد: :: الله لا يحرمن لحدا و يطعمن لكل مشتهي ::

    مُساهمة من طرف الملاك النائم في الإثنين يوليو 06, 2009 11:39 am

    موضوع كتيير راائع

    مافي أحلى من الاطفال كتير حلوين

    يعطيك العافية عالموضوع متعوب عليه أكيد


    _________________
    avatar
    ~..Soul..~

    انثى
    عدد المشاركات : 51
    العمر : 33

    رد: :: الله لا يحرمن لحدا و يطعمن لكل مشتهي ::

    مُساهمة من طرف ~..Soul..~ في الإثنين يوليو 06, 2009 2:10 pm

    الله لا يحرمن لحدا .. مافي احلا من براءة الأطفال بالدنيي ..
    الله يعطيك العافية موضوع كتير مهم ومجهود اكتر من رائع ..

    الإمبراطور السوري
    حيوية المنتدى

    ذكر
    عدد المشاركات : 952

    رد: :: الله لا يحرمن لحدا و يطعمن لكل مشتهي ::

    مُساهمة من طرف الإمبراطور السوري في الإثنين يوليو 06, 2009 2:37 pm

    نورتي سوووول نورتي رنو طبعا مافي أحلى من هيك
    سووول الله يعافيك وأهلا وسهلا بيييييييييييك
    avatar
    cute girl
    المديرة العامة
    المديرة العامة

    انثى
    عدد المشاركات : 1554
    العمر : 29

    رد: :: الله لا يحرمن لحدا و يطعمن لكل مشتهي ::

    مُساهمة من طرف cute girl في الإثنين يوليو 06, 2009 6:16 pm

    ماشالله اشي حلو والله وخصوصاانو من مجهودك وكتابتك

    وفعلا الله ما يحرمهم لحدا يارب

    لانهم زينة الدنيا

    يعطيك ألف عافية محمد


    _________________
    يسعد دين هالرمز
    avatar
    الزمردة
    روح المنتدى

    انثى
    عدد المشاركات : 994
    العمر : 28

    رد: :: الله لا يحرمن لحدا و يطعمن لكل مشتهي ::

    مُساهمة من طرف الزمردة في الثلاثاء يوليو 07, 2009 7:22 am

    الله لا يحرمهم لكل مشتهي ياااااااارب
    يسلموووو محمد عنجد انت مميز

      الوقت/التاريخ الآن هو الثلاثاء نوفمبر 13, 2018 6:37 pm